Eru einkaleyfi í hugbúnaði af hinu slæma?

Ég var að lesa langa en mjög góða grein um einkaleyfi í hugbúnaðargeiranum, eftir meistara Paul Graham. Ég er allt í einu farinn að hugsa um þessi einkaleyfi á annan hátt en ég gerði áður, eftir þennan lestur.

Í greininni er höfundurinn aðallega að velta fyrir sér hvort að einkaleyfi hafi einhverja raunverulega þýðingu (góða eða slæma).

When you read of big companies filing patent suits against smaller ones, it’s usually a big company on the way down, grasping at straws. For example, Unisys’s attempts to enforce their patent on LZW compression. When you see a big company threatening patent suits, sell. When a company starts fighting over IP, it’s a sign they’ve lost the real battle, for users.

Ég mæli með þessari lesningu.

Æ em fjúríös

Hæ, ég heiti Einar og ég er kókisti (Salurinn: “HÆÆÆ EINAR!”).

Hvernig má það vera að það sé ekki hægt að kaupa vel kældan alvöru kóladrykk (það er bara til einn alvöru)? Ég fór í tvær matvöruverslanir í nágrenni vinnustaðar míns í hádeginu, og það eina sem þær áttu til í kæli var eitthvað fenýlalanín wannabe cola sull.

Ég ætla að saka Vífilfell um þetta, grunar að þeir fylli á kælana fyrir búðirnar. Spurning um að senda þeim reikning fyrir meðferð gegn aukaverkunum! Svo er alveg týpískt að ég eigi ekki eftir að finna nógu góða æð þegar ég loksins fæ kalt kók í hendurnar.

Hressleiki dagsins

Er Battle-Axe með Deftones

Verdonk

Jæja þá er maður kominn aftur heim frá Hollandi eftir prýðilega ferð. Við komum reyndar tilbaka aðfaranótt mánudags, en ég er búinn að vera of ónýtur til að tjá mig fyrr en nú.

Í sjálfu sér gerðum við ekkert gríðarlega mikið í þessu fríi, en það var einmitt tilgangurinn. Það stóð uppúr var m.a. að spila Tennis á ný, en ég hafði einmitt ekki haft tækifæri til að grípa í tennisspaða síðastliðin, tja, c.a. 10 ár. Einnig þótti mér gríðarhresst að krúsa á autobahn á glæsilegum Audi A6.

Lífið er komið í sína venjulegu rútínu, þar sem að maður mætir til vinnu á morgnanna. Það er reyndar mjög fínt, það verður erfitt að byrja í skólanum á ný eftir 2 vikur, þar sem að það er bara svo miklu þægilegra að vera í vinnu. Minna stress og betri aur :)

P.S. Ef að einhver er sleipur í hollensku, þá þætti mér gaman að vita hvað Verdonk þýðir. Það virðist ekki vera í hollenskum orðabókum, en við sáum það á nokkrum skiltum þarna úti.

Almenningssamöngur

Heima í Danmörku höfum við engan bíl og það sem meira er, það er bara fínt. Það er ákveðið frelsi að vera bíllaus. Þurfa aldrei að leita að og borga fyrir bílastæði, geta fengið sér bjór þegar manni sýnist o.s.frv. Góðar almenningssamgöngur gera þetta að raunhæfum möguleika.

Bananaborgin Reykjavík hinsvegar hefur ekki, hefur aldrei haft og mun mjög líklega aldrei hafa nothæft samgöngukerfi. Fyrir utan það að strætóleiðir séu of fáar, of asnalegar og of sjaldan, þá eru snillingarnir hjá Strætó BS (Vá hvað þessir BS stafir eru viðeigandi) líka að leggja niður ákveðnar leiðir yfir sumartímann.

Mér er í sjálfu sér skítsama. Strætó býður ekki þjónustu sem hentar mér, og þ.a.l. nota ég nær aldrei strætó, þrátt fyrir að vera bíllaus í augnablikinu. Það sem er hins vegar fréttnæmt við þetta er eftirfarandi yfirlýsing frá framkvæmdastjóri-a Strætó bs:

Það er yfirlýst markmið Strætó að veita ætíð góða þjónustu og vinna skipulega að eflingu almenningssamgagna á höfuðborgarsvæðinu.

Já er ÞAÐ markmiðið ykkar? Hvernig stendur á því að mér datt það aldrei í hug?

Brútal Tónleikagagnrýni

Dömur mínar og herrar, Sindri Eldon.

Ósmekkleg mótmæli

Þetta átti að hafa póstast fyrir löngu síðan, en ég virðist bara hafa vistað það sem draft, jæja ég pósta þessu þá bara núna:

Mér finnst þessi mótmæli hálf ósmekkleg:

Fána Vegagerðarinnar á Hólmavík var flaggað í hálfa stöng, líkt og á Ísafirði og Patreksfirði, og blasti fáninn við vegfarendum í gær. Flaggað var í hálfa til þess að mótmæla frestun ríkistjórnarinnar á vegaframkvæmdum víða um land, að því er segir á fréttavefnum Bæjarins besta.

Ég hefði samt viljað smyrja aðeins ofan á þessa frétt:
Saman kom lítill hópur reiðra mótmælenda. Sumir þeirra báru spjöld með beittum slagorðum á borð við “Malbik fyrir traktorinn!” og önnur tvíræðari slagorð eins og “Hvað eiga kindurnar okkar að sleikja núna?”

Ahhh, dreifarar, gotta luv ‘em

Fúsboll

Jæja, þá eru Frakkar búnir að slá Portúgali út. Orðið á götunni segir að Portúgalska liðið hafi farið beint uppí flugvél og flogið til Brandararíkjanna þar sem þeir ætla að reyna fyrir sér í Hollywood.

Frakkland – Ítalía í úrslitum. Það verður eflaust hörkuleikur, verst að ég missi af honum.

Annars er allt ágætt að frétta, styttist í ferðina til Hollands. Ég er farinn að hlakka svolítið til að fara í frí og liggja með tærnar uppí loftið.